Habana, Juventud Rebelde
O narrador George Lamming e o dramaturgo Santiago García, recibiron venres pasado os Premios Alba das Letras e as Artes de 2011 na XXI Feria Internacional del Libro de La Habana, nesta edición consagrada ao Caribe.
Lamming, nado en Barbados en 1927, é o creador máis internacional da literatura caribeña contemporánea. Dá aulas na Universidade de Brown e recibira o Doutorado de Honra da Universidade da Habana en 2007. É autor de “O Castelo da Miña Pel”, “Os Emigrantes”, “A idade da inocencia”, “Tempo de Aventuras” e “Os praceres do exilio”.
Santiago García, diretor do afamado Teatro La Candelaria de Bogotá, é recoñecido coma o home de teatro máis importante de Colombia, con protagonismo na dirección, a actuación, a dramaturxia e a pintura. O seu traballo ten alto aprezo entre o público cubano, con obras coma “Diálogo del rebusque”, “Corre, chasqui Carigueta”, Maravilla Estar, La trifulca y Manda Patibularia. Por as montaxes de “Guadalupe años sin cuenta” e “Los diez días que estremecieron al mundo”, recibira senllos premios “Casa de las Américas” (1975 e 1977).
Fallaron os Premios Alba, Sherezada Chiqui Vicioso (República Dominicana), Vicente Battista (Arxentina) e Jorge Núñez (Ecuador); a crítica Vivian Martínez Tabares (Cuba), e o crítico Edgar Páez (Venezuela). Frei Betto, Premio ALBA das Letras 2009, participou como Secretario de Honra.
Na foto que acompaña o texto, Lamming e García
