Gerardo Hernández Nordelo (Habana, 1965) graduado do Instituto Superior de Relacións Internacionais de Cuba, sentenciado a dúas perpetuas e 15 anos de cadea a maiores por un tribunal dos EUA, recibiu dia 20 na embaixada de Cuba en Madrid a homenaxe da solidariedade. Das dúas vidas a que fora condenado, polo seu heroico traballo de prevención do terrorismo contra o seu país, Gerardo houbera de padecer 16 anos de encerro. En Madrid dixo que a súa liberación debíase a solidariedade de todo mundo, levantada coma un poderoso vento de deserto que inzou de vergoña a pretendida moral democrática do Imperio. Dentro da protesta universal polo castigo aos heroes contra o terrorismo, Gerardo honrou en Madrid a activa amizade con Cuba no Estado.
Gerardo Hernández agradece na súa intervención en Madrid a solidariedade cos Cinco.
O Secretario Xeral do PCE, José Luis Centella entregou en Madrid a Gerardo Hernández Nordelo a Medalla Conmemorativa Dolores Ibarruri Pasionaria. A homenaxe foille tamén encomendada aos outros catro Heroes Cubanos, Antonio Guerrero, Ramón Labañino, René González e Fernando González, que recibira a mesma distinción do PCE en setembro de 2014, nunha homenaxe celebrada en Madrid, ao cabo da súa inxusta condena nos EUA. Naquela homenaxe, participara a Asociación de Amizade Galego-Cubana “Francisco Villamil”.
Hernández dixo recibir a medalla coma homenaxe ao povo e o governo de Cuba
Iroel Sánchez-Cubahora. Se entre dous gobernos, un teima cincuenta e cinco anos na súa disposición a soster un diálogo respectuoso, baseado na igualdade e o respecto á soberanía, e o outro encírrase en ignorar o reclamo, emprega o terrorismo, o cerco económico e estraga miles de millóns de dólares en fabricar unha oposición aliada dos seus intereses para derrubar o goberno, e ao cabo propón o diálogo, e un bo día ambos gobernos acordan un intercambio de prisioneiros (ao que o bloqueador dicía até onte opoñerse) de quen é a vitoria?
Os Cinco, en casa con Raúl: un triunfo da dignidade e a resistencia de Cuba e unha festa para o todo país.
Fernando González Llort, heroe da República de Cuba e vice-presidente do Instituto Cubano de Amistad con los Pueblos (ICAP), dirixiuse na súa primeira visita ao Estado, a activa solidariedade de Galiza cos Cinco Cubanos. Fernando entregou a unha delegación da Asociación de Amizade Galego-Cubana “Francisco Villamil”, desprazada a Madrid para un encontro de homenaxe aos Cinco, o seguinte texto: “Aos amigos de Galiza: un saúdo agradecido e o compromiso de loitar até ver de regreso a Gerardo, a Ramón e a Toni”.
Coral Prieto e Gustavo Luca, da “Francisco Villamil”, con Fernando Gonzalez Llort
Sábado 26, coincidindo co 61 Aniversario do Asalto ó Cuartel Moncada, tamén chamado Día da Rebeldía, a Asociación de Amizade galego-cubana “Francisco Villamil”, conxuntamente co Consulado de Cuba en Galicia, celebrou unha festa comemorativa en Santiago de Compostela. Valentín Alvite, Presidente da Asociación, falou do significado desta data para a solidariedade internacional con Cuba. Canda él estaban Laura Urra, cónsul segunda, e Pedro Trigo, heroe do Moncada e membro do Movimiento 26 de Julio.
A cónsul Laura Urra, Pedro Trigo e Valentín Alvite, no acto celebrado en Compostela.Un momento da celebración en Santiago do LXI Aniversario.
