Todalas entradas de Terrasenamos

Un senador por Kansas promove A Lei de Comercio con Cuba para rematar co Bloqueo

Terra Sen Amos – Redacción

O grupo de presión no Congreso dos EUA Engage Cuba (EG) ou compromiso con Cuba, celebrou que o senador estadounidense Jerry Moran presentase un proxecto de Lei na cámara para rematar co Bloqueo económico, comercial e financeiro imposto por Washington contra a illa. A nova Lei de Comercio con Cuba, permitiría ao sector privado norteamericano comerciar coa illa e foi presentada polo deputado por Kansas baixo o nome de Lei de Comercio con Cuba.

James Williams, presidente de Engage Cuba, comenta no espazo da TV Cubana “La esquina” as vantaxes da nova Lei de Comercio con Cuba

Seguir lendo Un senador por Kansas promove A Lei de Comercio con Cuba para rematar co Bloqueo →

“FIDEL VIVE, LA REVOLUCIÓN SIGUE” lema da homenaxe convocada en Madrid para 25 de marzo

Terra Sen Amos – Redacción

Vintecinco de marzo, quinta feira, celebrarase en Madrid a homenaxe a Fidel Castro, convocada polo Movimiento de Solidaridad con la Revolución Cubana. O memorial polo Lider da Revolución ten por lema FIDEL VIVE, LA REVOLUCIÓN SIGUE e terá por escenário o Auditorio Marcelino Camacho, situado no número 40 da rúa de Lope de Vega de Madrid, de 19 a 22 horas. Co fin de pagar os gastos de local, propaganda e programas, os organizadores están a vender bonos en forma de marca-páxinas. O programa de intervencións será publicado en breve na páxina www.cubainformación.tv  

O próximo 15 cuarta feira, tamén está convocada na Puerta del Sol de Madrid unha concentración baixo o lema Ya es hora: rompamos el bloqueo contra Cuba! A cita invita a reclamar a EUA o remate da inxeréncia política e económica contra Cuba; a compensación polas perdas económicas e humanas causadas polo Bloqueo; a reintegración á soberania de Cuba do territorio ocupado militarmente na provincia de Guantánamo; o fin da guerra mediática contra Cuba e o cese do finanzamento dos grupos mercenarios que actúan contra a Revolución, dentro e fóra de Cuba.

Raul reafirma en Caracas o compromiso de Cuba coa Patria Grande

Cubadebate – (Edición e traducción da Redacción de TSA)

Raul recorda en Caracas que o compromiso internacional da Revolución Cubana comeza pola Patria Grande de Bolívar e Martí. Once presidentes dos EUA ofreceran rematar o Bloqueo a condición de Cuba renunciar ao seu proxecto dunha América anti-imperialista, mais a Revolución non cedeu pesia ter que pagar un prezo altísimo pola súa firmeza. No cúmio da ALBA-TCP, Raúl explica ao duodécimo presidente do Bloqueo que ningunha causa xusta da Patria Grande é allea a Cuba e adica un recordo especial a Venezuela, Brasil, Ecuador, Arxentina, Bolivia e Nicaragua.

O cúmio da ALBA recorda os protagonismos claves de Fidel e Chávez no proceso de integración da Patria Grande.

Seguir lendo Raul reafirma en Caracas o compromiso de Cuba coa Patria Grande →

Cuba denúncia a conspiración da OEA e nega a entrada a Luis Almagro

Terra Sen Amos – Redacción

O Secretario Xeral da OEA, Luis Almagro Lemes, tiña todo programado para se retratar na Habana recibindo unha medalla inventada pola imperialista Fundación para la Democracia Panamericana para premiar ataques propagandísticos e entremeses demagóxicos contra gobernos independentes do continente. O programa buscaba descualificar ao goberno de Cuba, mediante unha convocatoria na Habana para xerar inestabilidade e danar a imaxe internacional do país. Cuba denunciou a convocatória e negou permiso de entrada a Almagro.

Mercenários para mallar por encarga, no orixinal Jackson Healy (Russell Crowe) e Holland March (Ryan Gosling) e na caricatura, publicada en Uruguay, nos papeis de Luis Almagro (na esquerda) e Mauricio Macri, ás ordes da National Endowment for Democracy NED.

Seguir lendo Cuba denúncia a conspiración da OEA e nega a entrada a Luis Almagro →

“A transformación da empresa socialista será a chave da reforma da economia de Cuba” (José Luis Rodriguez)

José Manzaneda director de Cubainformación – Edición e traducción de Terra Sen Amos

O goberno de Cuba procura dende 2011 a correspondéncia dos prezos do mercado interior coas condicións reais dos salários e para logralo, as achegas van aos segmentos máis vulnerábeis da poboación antes que aos produtos. José Luis Rodriguez, asesor do Centro de Investigacións da Economía Mundial de Cuba e ex-ministro de Economia, explica nunha entrevista co director de Cubainformación os pasos que se están a dar para estabilizar en Cuba os prezos do mercado de básicos. Ofrecemos un extracto da conversa publicada no número 36 de Cubainformación.

José Luis Rodriguez é asesor do Centro de Investigacións da Economía Mundial de Cuba e ex-ministro de Economia. Foto de Cubadebate.

Seguir lendo “A transformación da empresa socialista será a chave da reforma da economia de Cuba” (José Luis Rodriguez) →