Cubadebate – (Edición e traducción da Redacción de TSA)
Raul recorda en Caracas que o compromiso internacional da Revolución Cubana comeza pola Patria Grande de Bolívar e Martí. Once presidentes dos EUA ofreceran rematar o Bloqueo a condición de Cuba renunciar ao seu proxecto dunha América anti-imperialista, mais a Revolución non cedeu pesia ter que pagar un prezo altísimo pola súa firmeza. No cúmio da ALBA-TCP, Raúl explica ao duodécimo presidente do Bloqueo que ningunha causa xusta da Patria Grande é allea a Cuba e adica un recordo especial a Venezuela, Brasil, Ecuador, Arxentina, Bolivia e Nicaragua.
O cúmio da ALBA recorda os protagonismos claves de Fidel e Chávez no proceso de integración da Patria Grande.
O Secretario Xeral da OEA, Luis Almagro Lemes, tiña todo programado para se retratar na Habana recibindo unha medalla inventada pola imperialista Fundación para la Democracia Panamericana para premiar ataques propagandísticos e entremeses demagóxicos contra gobernos independentes do continente. O programa buscaba descualificar ao goberno de Cuba, mediante unha convocatoria na Habana para xerar inestabilidade e danar a imaxe internacional do país. Cuba denunciou a convocatória e negou permiso de entrada a Almagro.
Mercenários para mallar por encarga, no orixinal Jackson Healy (Russell Crowe) e Holland March (Ryan Gosling) e na caricatura, publicada en Uruguay, nos papeis de Luis Almagro (na esquerda) e Mauricio Macri, ás ordes da National Endowment for Democracy NED.
José Manzaneda director de Cubainformación – Edición e traducción de Terra Sen Amos
O goberno de Cuba procura dende 2011 a correspondéncia dos prezos do mercado interior coas condicións reais dos salários e para logralo, as achegas van aos segmentos máis vulnerábeis da poboación antes que aos produtos. José Luis Rodriguez, asesor do Centro de Investigacións da Economía Mundial de Cuba e ex-ministro de Economia, explica nunha entrevista co director de Cubainformación os pasos que se están a dar para estabilizar en Cuba os prezos do mercado de básicos. Ofrecemos un extracto da conversa publicada no número 36 de Cubainformación.
José Luis Rodriguez é asesor do Centro de Investigacións da Economía Mundial de Cuba e ex-ministro de Economia. Foto de Cubadebate.
Ignacio Ramonet chama Imperio de la Vigilancia ao novo estado de control mundial de datos en benefício do gran capital e para regresión das liberdades. O seu último libro, con este título, foi presentado na Feira Internacional do Libro da Habana por Rosa Miriam Elizalde, directora de Cubadebate, quen comparou o uso masivo de información na Big Data co estado de control integral descrito por George Orwell no seu 1984.
O xornalista galego Ignácio Ramonet durante a presentación do seu libro “El Imperio de la Vigilancia”, na Feira do Libro da Habana.
Prensa Latina – Terra Sen Amos O presidente da Feira Internacional do Libro da Habana(FIL) Juan Rodríguez Cabrera, anunciou a presentación de 24 títulos que tratan do líder histórico de la Revolución, entre eles un grande diccionário das ideas de Fidel que levará o selo da Editora Política. A Feira abrirá do 9 até o 19 en vários recintos, ainda que a súa sede principal será o forte de San Carlos de la Cabaña, escenário de palestras, paneis, presentacións, actuaciós e porparte de trinques de venda de exemplares que adoitan atraer altísimas concentración de mocidade en procura de libros de alta calidade a prezos baixos. A Editorial Luminaria deu coñecer un variado catálogo con textos de teatro, poesia, narrativa e contos deseñados en cadriños para rapaces.
A imaxe da mocidade culta dun pais sen recursos e bloqueado, concentrada a procura de libros na Feira Internacional da Habana, é obxecto de admiración en todo o mundo.
