Ivana Belén Ruiz – José Manzaneda, Cubainformación TV.
Os grupos mediáticos do capital no Estado Español celebran a intervención policial de TV3 e Catalunya Radio, medios públicos cataláns. Os media gobernados polos grupos económicos dominantes, incluidas as emisoras públicas de base radial en Madrid, denuncian ao mesmo tempo que a información en Cuba e Venezuela carece de liberdade, mais eses mesmos medios aseguran que o embargo dos medios públicos cataláns polo goberno de Madrid ten por obxectivo asegurar a pluralidade informativa.
Dinque o obxectivo da incautación de TV3 e Catalunya Radio é garantir a pluralidade de información. Vaiche boa. Un sondeo medira en 2014, o degrao de pluralidade dos distintos medios, na altura da primeira consulta de independencia, promovida polo Goberno catalán. O faladoiros da canle pública Televisión Española deron unha proporción de 20 a 0 a prol dos que opinaban contra a independencia de Catalunya. No resto de televisións públicas e privadas con sé en Madrid, as cifras foron semellantes. Pola contra, en TV3, canle pública catalá, a información recoñecia o dominio dos independentistas, só cunha proporción de 14 a 11.
Eis o modelo de pluralidade que o Goberno e os media dominantes españois amosan ao falar de Catalunya e Venezuela.
Por certo, leron nalgún destes media dominanntes que o chavismo ven de arrasar nas recentes eleccións rexionais? Non? Será acaso outro exemplo da pluralidade informativa?
