Isolina Couto – TSA Jacksonville

A esperanza de vida en Cuba adianta a dos EUA segundo unha información do semanario Newsweek, editado en Nova York e con circulación en todo o país. A revista chama a atención sobre a estatística recente da rede Centers for Disease Control and Prevention (CDCP) encargada dos indicativos de saúde nos EUA que revela que a esperanza de vida do 2021 ao nacer é de 76,1 años, o que representa una caída de case un ano completo a respecto da cifra de 2020. Newsweek nota que os indicativos da pequena e bloqueada Cuba xa adiantan en tres anos os do país que decreta seu cerco, o máis armado e rico do mundo.

Contra esta información, o sistema dixital do goberno de Washington inzou decontado as redes con propaganda masiva que acusa de falsidade unha información estatística que favorece a Cuba, coma se os datos procedesen dunha fonte espúrea e non dun anuncio do servicio de seguimento de saúde dos EUA. 

Newsweek repara que nos últimos dous anos, a caída da estatística de saúde estadounidense é drástica até o extremo de ver como a de China a supera, malia vir só de 59 anos en 1970. O artigo salienta que Cuba ten asistencia eficiente e de balde para toda a poboación e unha investigación médica de alto nivel cuxos produtos, coma pode ser a vacina contra o cancro de pulmón ou o tratamento para o pé diabético, interesan en todo o mundo.

Segundo o Banco Mundial, a esperanza de vida no planeta experimentou un devalo logo de ter rexistrado 60 anos de aumento desde 1960.  Nese tempo, os EUA pasaron de estar 17 anos por diante da media mundial, a estaren so 4,5 anos por diante no 2020. Newsweek prevé que a revisión integral da estatística mundial deixará a vantaxe estadounidense en só tres anos o que a deixará por baixo de Colombia, Uruguai, Chile, Costa Rica, Panamá, Porto  Rico, Turquía, Grecia e Albania. Estes países teñen menos da metade de renda dos EUA e no caso de Cuba a diferenza non ven só duns recursos inferiores, senón do feito de padecer dende hai máis de 60 anos un bloqueo inclemente de parte do pais máis rico do mundo.

A partir dos datos presentados polo CDCP,  EUA ocupa o lugar 50 en esperanza de vida no mundo.

MESC – Redación de TSA

A solidariedade con Cuba condena un novo cerco da ultradereita contra o local da Asociación Euskadi-Cuba en Bilbo, fins de agosto. O MESC (Movemento Estatal de Solidariedade con Cuba) que representa 60 organizacións do Estado español, denunciou a agresión realizada mediante pintadas que recordan outras de xullo de 2021 contra o mesmo local, e as ameazas de chantar lume ao local de parte dun axente da contra.

O MESC relaciona estes ataques coa mesma xenreira anti-cubana que ven padecendo durante meses o Consulado de Cuba en Barcelona ou os intentos de impedir pola forza actividades solidarias organizadas en diversas cidades do Estado no ano que andamos, mesmo con agresións físicas a militantes da solidariedade.

Estas accións violentas teñen por lema común Patria y Vida, unha divisa que corresponde a divulgada por todos os sistemas de propaganda do bloqueo patrocinado polo goberno dos EUA. O formato censor reproduce o mesmo modelo de actuación dende 2021 contra calquer acto de apoio de apoio a Cuba bloqueada. Un exemplo foi a aparición de reventadores no comezo da intervención do alcalde Ángel García Seoane, na efeméride do 26 de xullo celebrada en Oleiros. Cinco asistentes, un deles embozado , que portaban un lenzo con aldraxes contra o Che e a divisa explícita de Patria y Vida en grandes caracteres, proferiron apupos que foron logo afogados pola protesta indignada das persoas que participaban na homenaxe solidaria aos herois do golpe contra o cuartel Moncada, suceso que marcara o camiño para a vitoria revolucionariada de 1959.

O MESC chama a atención sobre o paradoxo de os contra-revolucionarios reclamar vida e convivencia nacional de Cuba mediante intervencións violentas, o atranco e sabotaxe das relacións libres da illa co resto do mundo e a construción forzada e delincuente de estados de carencia que atentan directamente contra o dereito a vida en Cuba, o que non pode senón recibir o nome de violación sistemática e masiva dos dereitos humanos, tal e como foi definido e expresamente denunciado pola Asemblea das Nacións Unidas en 29 ocasións.

“Non conseguirán ningún dos seus obxectivos –recorda o MESC nun comunicado- e a pesar da dura conxuntura económica que sofre o pobo cubano, produto do bloqueo, as 243 últimas sancións e os efectos da pandemia, sairá adiante. A solidariedade con Cuba no Estado Español acompañará e apoiará, agora e sempre, ao pobo e a Revolución cubana en todas as circunstancias e pese a quen pese”.

O movemento estatal de solidariedade invita a continuar na vital defensa de Cuba Socialista e a protexer dereitos e liberdades da Asociación Euskadi-Cuba, unha das entidades fundadoras da rede de defensa da Revolución Cubana nesta parte do mundo.

Iroel Sánchez – Cubadebate

É moi duro o que estamos a pasar en Cuba. Procurar culpábeis no medio dos apuros é unha tentación que ben se comprende, mesmo que non adoite ser xusta. Non hai solucións sen chata, e nomeadamente cando se está a buscar solución no medio dunha guerra campal, con efectos económicos que fan que calquera erro multiplique as súas consecuencias.

A razón non quer forza nin a forza quer razón. Para quen sabemos como o noso pobo, guiado por Fidel, loitou e venceu nas máis arriscadas circunstancias,  a escusa non ten lugar. A única opción posíbel, é contar a verdade a ese pobo invencíbel, como eu coido que se está a facer.

Porén, cando vexo como un cubano residente nesta illa pregunta en facha de fiscal cibernético por que non reparáramos as termoeléctricas no 2021, apálpome aínda vivo, tanto coma el, busco a taxa de letalidade por Covid aquí, e comprobo que é a metade da do resto dos países de América. Recordo que sen ingresos por turismo e remesas, con todas as fontes de divisas coartadas polo xenocida Trump e o seu continuador Biden, Cuba gastou o diñeiro que tiña e o que non tiña para facer que el, eu, e os nosos parentes e amigos, tivésemos o dobre de probabilidade de sobreviver á pandemia que calquera habitante doutra nación deste continente. E todo iso preservando empregos e salarios, o que xerou un déficit fiscal maior, que hai que resolver de urxencia, igual que compre atender atender os efectos nocivos dun ordenamento con erros de deseño, como hoxe se recoñece.

E quen son felices porque alguén proclama o que eles queren escoitar, negáronnos nese mesmo ano 2021 até o osíxeno e ofreceron vacinas cando xa estabamos vacinados coma o que máis, sen nos custar un centavo a ese alguén ou a min; a esa economía cercada que non puido reparar as termoeléctricas a tempo, si lle custou, aínda que iso sexa invisíbel.

Comparto lusco e fusco con el, como compartirei o destino das bombas cos opositores que coidan que os mísiles veñen con dirección, número de carné de identidade e un cartaz  ben grande que dirá só para comunistas, se chega o dia no que, grazas a opinións como a súa, os da beira equivócanse e crennos divididos abondo para non poder defendernos.

Pero se iso non sucede, grazas a que Facebook non é Cuba, nin o pobo de Cuba é o que as pantallas din por conta do imperio, e todo este apuro pasa, como xa pasaron outros non menos graves, eu volverei compartir con el médicos e vacinas, aínda que non afectos nin respecto, porque  a pobreza pasa: o que non pasa é a deshonra. Palabra de mestre.

Versión en Galego de Adela Roade para TSA.

TSA – Redación

A Asociación de Amizade Galego-Cubana Francisco Villamil transferiu dia 23 a Cuba o total da primeira achega solidaria do povo galego para mediar nos danos materiais e poder asistir as urxentes intervencións previstas na infraestrutura petroleira de Matanzas, vital para a illa. O primeiro envío urxente de Galiza sumou 4.650 euros.

Na altura desta entrega, a Francisco Villamil  agradece a achega de ducias de galegas e galegos que contribuíron solidariamente con Cuba e chama a quen aínda non o puido deitar seu grao de millo nesta campaña a sumar a súa axuda para reconstrución, medicamentos e material sanitario de urxente necesidade. Recorda a Asociación de Amizade Galego-Cubana que malia a conmoción nacional causada por este grave suceso que roubou a vida de 16 traballadores, o infame bloqueo, que vai camiño de sumar 61 anos, e o peso das sancións dos EUA contra a economía, a saúde e o dereito de Cuba a se relacionar en paz co resto do mundo, non cesaron, igual que acontecera, para vergoña do Imperio, nos momentos críticos do andacio da Covid -19.  

Quen poia ainda contribuír a adquisición de medicamentos e subministracións urxentes, pode ingresar a súa doazón na conta ES67 2080 5000 6730 4019 4383 da Asociación de Amizade Galego-Cubana, coa mención “DOAZÓNS MATANZAS”.

Joe Biden, presidente dos EUA:

Agora, mais do que nunca, é hora de escrever uma nova página nas relações EUA-Cuba. Pedimos que rejeitem publicamente e de contado, as políticas cruéis aplicadas pela Casa Branca Trump que já causaram tanto sofrimento ao povo cubano.

Imagem do esforçado combate contra o lume em Matanzas.

Na sexta-feira 5 de agosto, uma base de petróleo em Matanzas, Cuba, a 65 milhas a leste de Havana, foi atingida por um raio. Desde então, um grande incêndio tem causado danos. As explosãos e o incêndio de difícil controle deixaram várias pessoas desaparecidas (incluindo bombeiros), muitos feridos com queimaduras graves e centenas evacuados de suas casas.

Este incêndio, o maior da história de Cuba, surge quando Cuba enfrenta uma crise energética devido ao aumento dos custos globais de combustível e ao envelhecimento da infra-estrutura. Este incêndio nos tanques de petróleo, sem dúvida, só irá exacerbar ainda mais as quedas de energia que os cubanos estão sofrendo durante este verão quente. Os recursos que o governo será forçado a dedicar à resposta a desastres, também terão um impacto negativo no bem-estar geral dos cubanos em meio às sanções impostas pela administração Trump e continuadas sob sua administração.

Apesar das palavras de condolência e da oferta de conselhos técnicos, o governo dos EUA tem feito nada para ajudar o povo cubano neste período de maior necessidade. Infelizmente, as sanções dos EUA alimentam os incêndios que assolam Cuba! Apesar das garantias da Embaixada dos EUA em Havana de que a lei autoriza as entidades e organizações norte-americanas a fornecer ajuda e resposta a desastres, as sanções 243 da Trump continuam a impedir que a ajuda urgentemente necessária chegue a Cuba.

Quando a casa de seu vizinho está em chamas, a reação humana normal é correr  para ajudar. Para salvar vidas. Para apagar as chamas. Cuba é nossa vizinha! É inconcebível, especialmente durante um trágico acidente, bloquear as remessas e o uso de instituições financeiras globais por parte de Cuba, dado que o acesso ao dólar é necessário para importar alimentos e remédios.

O tempo é essencial..  A administração deve levantar todas as sanções que impedem Cuba, direta ou indiretamente, de receber ajuda médica, humanitária e ambiental essencial ou receber assistência financeira e de outras nações ou organizações nos Estados Unidos. Também pedimos que  se coordene imediatamente com as agências relevantes dos EUA para fornecer a assistência direta e urgente que Cuba poida precisar.

9 de agosto de 2022

Brian Becker
Cindy Weisner
Claudia De la Cruz
Cornel West
David Adler
David Harvey
Gabriel Rockhill
Gail Walker
Gerald Horne
Gina Belafonte
Helen Yaffe 

Jennifer Ponce De Leon
Jeremy Corbyn
Jia Hong
Jodie Evans
Judith Butler
Rev. Liz Theoharis
Manolo De Los Santos
Manu Karuka
Noam Chomsky
Phillip Agnew
Robin D.G. Kelly

Roger Waters
Roxanne Dunbar-Ortiz
Ruth Wilson Gilmore
Salvatore Engel-Di Mauro
Seun Kuti
Vijay Prashad
Yasemin Zahra

https://letcubalive.info/Letter

Tradução de Carmen Diniz, do Comitê Carioca de Solidariedade a Cuba