Arquivo da etiqueta: BLoqueo

En nome do Bloqueo, PayPal impide contratar a reportaxe sobre os Rolling en Cuba

Deixa o teu comentario.

Iroel Sánchez – Trabajadores

PayPal, primeiro sítio de pago por Internet do mundo, foi adquirido no 2002, pola empresa de poxas por vía dixital eBay. No seu sítio electrónico, eBay acredita PayPal como via rápida e segura para mercar e vender e garante a privacidade absoluta das tarxetas e contas bancárias; o vendedor recibe logo o pago e a merca chega antes ao comprador; a garantía do importe das trasaccións, non ten teito de gasto. Mais na realidade, PayPal non semella corresponder ao que di eBay: máis de 100 compradores de entradas a médio desa plataforma, recibiron de volta os seus xiros. Querían ver para fins deste mes en cines alemáns o documental de 120 minutos Havana Moon-The Rolling Stones Live in Cuba (Lúa da Habana: os Rolling en vivo dende Cuba) reportaxe sobre o concerto da banda inglesa en Marzo na Habana. Na explicación de Sabrina Winter, voceira de PayPal, “o mesmo título do documental é para nós unha proba de violación do Embargo e por iso emprendemos unha investigación integral do obxecto da compra”.

Cen persoas pagaron por PayPal para ver o documental de 120 minutos ///Havana Moon-The Rolling Stones Live in Cuba/// mais PayPal, primeiro sítio de pago por Internet do mundo, censurouno invocando o Bloqueo.
Cen persoas pagaron por PayPal para ver o documental de 120 minutos “Havana Moon-The Rolling Stones Live in Cuba”, mais PayPal, primeiro sítio de pago por Internet do mundo, censurouno invocando o Bloqueo.

Seguir lendo En nome do Bloqueo, PayPal impide contratar a reportaxe sobre os Rolling en Cuba →

O Bloqueo provocou o ano pasado perdas de 4.600 millóns de dólares a Cuba

Deixa o teu comentario.

Terra Sen Amos – Redacción

O chanceler de Cuba, Bruno Rodríguez, dixo na sexta, dia 9, durante a presentación do Informe Anual do Bloqueo dos Estados Unidos contra Cuba, que as medidas promulgadas até o momento pola Casa Branca foran de efeito limitado pois o o bloqueo segue a prexudicar o pobo cubano. “Non se ignoran nin se pretenden ocultar erros da nosa responsabilidade, mais non se poden subestimar as consecuéncias do bloqueo, inxusto e excluinte, pexo principal para o noso desenvolvemento”. Rodriguez salientou que ao cabo de 21 meses, case dous anos, dende o anuncio do presidente estadounidense en 17 de decembro, e a pesar doutras declaracións cualificando o bloqueo como obsoleto, Barack Obama recoñecera a pesada carga humanitária da inxeréncia asi como o seu efeito de illamento e de atranco insuperábel. “Non existe sector en Cuba que deixe de padecer as consecuéncias do bloqueo”,  acrecentou.

Xornalistas de vinte paises, seguiron na sala Camilo Cienfuegos do Ministério de Relacións Exteriores (Minrex) as palabras do chanceler cubano. Foto: Ladyrene Pérez/ Cubadebate
Xornalistas de vinte paises, seguiron na sala Camilo Cienfuegos do Ministério de Relacións Exteriores (Minrex) as palabras do chanceler cubano. Foto: Ladyrene Pérez/ Cubadebate

Seguir lendo O Bloqueo provocou o ano pasado perdas de 4.600 millóns de dólares a Cuba →

Programa de accións a prol de Cuba aprobado no VIII Encontro Continental de Solidariedade

Deixa o teu comentario.

ICAP – Cubadebate – Terra Sen Amos

Convocados polos nobres ideais da amizade e a solidariedade que unen aos pobos da Nosa América, desenvolveuse os días 28 ao 30 de xullo de 2016 na cidade de Santo Domingo, República Dominicana, o VIII Encontro Continental de Solidariedade con Cuba, coa presenza de 370 delegados e delegadas de 25 países e a participación de representantes de organizacións políticas, sociais, xuvenís, relixiosas, sindicais, entre outras. A asemblea foi dedicada ao 90 aniversario do líder histórico da Revolución Cubana, Comandante en Xefe Fidel Castro Ruz e á memoria imperecedera do Comandante Supremo da Revolución Bolivariana, Hugo Rafael Chávez Frías, no 62 aniversario do seu natalicio. Nun contexto no que a contraofensiva imperialista arremete con forza para desmontar os procesos progresistas, revolucionarios e integracionistas da rexión, os pobos do continente reunidos nesta histórica cita, declaran o ferviente saúdo aos Cinco Heroes Cubanos, exemplos de dignidade, patriotismo e firmeza, agora libres na súa patria logo de cumpriren longas e inxustas condenas en cárceres do imperio. Tras esta primeira proclamación, a Declaración de Santo Domingo aborda os seguintes postulados:

O VIII Encontro Continental de Solidariedade con Cuba, congregou en Santo Domingo 370 delegados e delegadas de 25 países e representantes de organizacións de apoio.
O VIII Encontro Continental de Solidariedade con Cuba, congregou en Santo Domingo 370 delegados e delegadas de 25 países e representantes de organizacións de apoio.

Seguir lendo Programa de accións a prol de Cuba aprobado no VIII Encontro Continental de Solidariedade →

A “Francisco Villamil” chama a aumentar a mobilización contra o Bloqueo

Deixa o teu comentario.

Terra Sen Amos
A Asociación de Amizade Galego-Cubana reclamou o remate do Bloqueo durante a reunión da irmandade revolucionária Galego-Cubana celebrada en Compostela no 63 aniversário do Asalto ao Cuartel de Moncada. O presidente da “Francisco Villamil”, Valentín Alvite, dixo no Centro Socio-Cultural do Castiñeiriño que era hora de elevar a mobilización contra o cerco ilegal imposto sobre Cuba polos EUA dende 1960. A súa beira, a cónsul de Cuba Laura Urra, asegurou que ninguén poderia pretender de Cuba a renúncia dos princípios da Revolución, esperar concesións relacionadas coa súa soberanía e independéncia, nin postergar a defensa dos seus ideais ou do exercício da súa política exterior comprometida coas causas xustas e a defensa da autodeterminación dos povos. Durante a homenaxe aos herois do Moncada, a directiva da Villamil Erea del Rio, leu un poema de Yanicet Brioso Leyva, de Holguin, adicado a Ana Belén Montes, presa nos EUA por ter defendido Cuba dende o seu traballo. A versión Galega do texto, débese á  poeta Maria Rosendo. IMG-20160724-WA0004IMG-20160724-WA0008

Seguir lendo A “Francisco Villamil” chama a aumentar a mobilización contra o Bloqueo →

“O sistema internacional de dominación é o atranco principal na loita contra o VIH-Sida” (Mariela Castro na ONU)

Deixa o teu comentario.

Foro de VIH das Nacións Unidas – Redación de Terra Sen Amos

Mariela Castro Espín denunciou na ONU o dano causado polo bloqueo dos Estados Unidos na batalla de Cuba contra o andácio do Sida en todo o mundo. A deputada cubana, sexóloga e directora do Centro Nacional de Educación Sexual de Cuba (Cenesex) dixo na Asemblea Xeral que a inxustiza do sistema internacional de dominación é o atranco maior para erradicar efectivamente o VIH-Sida, contra o que Cuba avanzou mediante unha revolucionária estratexia integral de desenvolvemento que sitúa ao ser humano no centro dos seus obxectivos. “O bloqueo non nos deu parado, endebén non poida ignorarse o seu dano no devezo noso de cumprir a meta internacional de derrotar a doenza para 2030» dixo a parlamentária. A comunidade internacional ten distinguido repetidamente os sobresaintes resultados de Cuba contra o Sida, unha doenza que ten causado máis de 34 millóns de mortes dende 1981. A seguir reproducimos a intervención de Mariela Castro no foro da ONU.

"A loita contra o Sida implica unha estratexia integral de desenvolvemento que sitúe ao ser humano no centro dos seus obxectivos", di Mariela Castro.
“A loita contra o Sida implica unha estratexia integral de desenvolvemento que sitúe ao ser humano no centro dos seus obxectivos”, di Mariela Castro.

Seguir lendo “O sistema internacional de dominación é o atranco principal na loita contra o VIH-Sida” (Mariela Castro na ONU) →