O VI Cumio do CARICOM, celebrado en San Xoán, capital de Antigua e Barbuda, honrou a memoria de Fidel e o protagonismo de Cuba na unidade do Caribe. Nicholas Steele, representante de Granada dixo que interpretaba o sentir da Asemblea ao recoñecer que a Revolución Cubana derramara o seu sangue por liberar povos desamparados. “Nunca un pequeño pais alcanzara tal altura no mundo e nunca un povo con tan poucos recursos e malia un bloqueo criminal, fixera tanto para tantos con tan pouco”. Raúl Castro dixo que o seu pais “non poderá esquecer nunca a decisión Errol Barrow, de Barbados; Forbes Burnham, de Guyana; Michael Manley, de Xamaica, e Eric Williams, de Trinidade e Tobago, de estableceren relacións diplomáticas con Cuba, asi que os primeiros catro países do Caribe anglófono accederan a súa independencia no 66”. Unha porta aberta contra o Bloqueo e un paso decisivo na integración solidaria do Caribe, fronte o imperialismo dos muros, da explotación e do colonialismo.
“Lembramos a Fidel con agarimo e honrámolo co noso amor”, dixo Nicholas Steele, representante de Granada perante a Asemblea do CARICOM (Foto de Rogelio Sierra en Juventud Rebelde)
Mentres toda Cuba honra a data do 25 de Novembro en homenaxe a travesia histórica de Fidel, o mundo produce novas de homenaxe a súa memoria ao se cumprir un ano do seu pasamento. Dende Venezuela o presidente Maduro publicou estas liñas «Os Revolucionarios do mundo temos hoxe presente ao Comandante Fidel Castro Ruz, e a súa vida de exemplo para todos ao encarnar a solidariedade e o humanismo no labor de transformar o mundo nun lugar mellor”. Militantes do Círculo de Roma da Asociación Nacional de Amizade Italia-Cuba, de Patria Socialista, do Comité Fabio Di Celmo e do JVC de Sri Lanka, penduraron a beira do Coliseo Romano un cartaz prominente coa imaxe de Fidel e a lenda “¡Hasta siemre Comandante!”; en Nicaragua celebráronse varios actos para agradecer a solidariedade da Revolución Cubana e o exemplo de Fidel; en Bolivia o goberno e a embaixada de Cuba convocaron venres un encontro de homenaxe e no Teatro Roma de Avellaneda (Bos Aires) arxentinos e cubanos uníronse para lembrar ao Comandante nunha gala cultural; en Moscova, na praza que leva o nome de Fidel no distrito de Sokol, celebraron o exemplo de firmeza da Revolución. De Ramala (Palestina) Francia, Panamá, Vietnam, Escoza, Islandia, Paquistán, India China, Viena, Tailandia e Estados Unidos, chegan tamén novas de honras a Fidel polo seu exemplo.
O xornal Granma publica nesta data o relato emocionante dun labrego de Bayamo que mantivera longa amizade con Fidel. http://www.granma.cu/fidel/2017-11-25/al-telefono-un-guajiro-con-fidel-25-11-2017-01-11-30
Sergio Alejandro Gómez – Granma (Editado por Terra Sen Amos)
Fidel deixounos en discursos, artigos, glosas, entrevistas e ponencias de congresos, unha axenda para interrogantes e paradoxos de hoxendia asi como preguntas que o planeta escoita con anguria: Como alimentar a millóns de persoas privadas de auga e de recursos básicos? Que facer para pechar a distancia crecente entre os paises ricos e os empobrecidos? Quen vai pagar a conta do estrago ambiental? Para que han servir as armas nucleares nun mundo atacado de fame e pobreza? Sergio Alejandro Gómez edita para o diario Granma pensamentos de Fidel que semellan adiantarse ao debate de 2017
Pensamentos de Fidel que semellan escritos en previsión dos acontecimentos de 2017.
Fidel cumpriría 91 este mes de agosto e segue entre nós, rodeado polo agarimo do seu pobo. Fidel encarna o sentir de millóns de cubanos e de admiradores no mundo enteiro. Lembrámolo no seu uniforme verde oliva de Comandante: andar ergueito, trato agarimoso, mirada penetrante e fonda convicción antimperialista e martiana; a súa vontade de aceiro para superar o acontecer máis arriscado; o seu saber e, nomeadamente, o amor infindo pola humanidade e os pobres, aos que adicou a vida enteira.
Sábado, coincidindo co 64 Aniversario do salto aos cuarteis de Moncada e Bayamo, no coñecido en Cuba coma Día de la Rebeldía, a Asociación de Amizade Galego-Cubana Francisco Villamil, conxuntamente co Consulado de Cuba en Galiza, celebrou unha festa comemorativa en Compostela. Valentín Alvite, Presidente da Asociación, abriu o acto preguntando sobre o obxectivo do ataque e contestou que este fora realizar a independéncia arelada por Martí e construir un sistema político e económico máis igualitário. Alvite dixo que os participantes entregaron a este fin o máis valioso que posuian: a propia vida. Angel Szary, cónsul de Cuba en Galiza, transmitiu un saúdo en nome do cónsul xeral José Antonio Solana, e recordou que o revés do Moncada tornárase en victoria polo recordo dos caidos que acompañou aos revolucionarios sobrevivintes coma un alento na súa desigual e dura loita. O Cónsul lembrou que estabamos a vivir o primeiro aniversário do Moncada sen Fidel e rematou coas palabras todos somos Fidel, repetidas polo público. Amigos de Cuba e representantes de partidos solidarios coa Revolución, acompañaron ao Consulado e a Francisco Villamil na festa comemorativa celebrada no Centro Social do Castiñeiriño.
O cónsul de Cuba Angel Szary, recordou a Fidel na festa do Moncada. A súa beira, o presidente da Villamil, Valentin Alvite
Asociación de Amizade Galego-Cubana “Francisco Villamil"
