TSA – SantiagoCompostela
Organizado polo Consulado de Cuba e a Asociación de Amizade Galego-cubana Francisco Villamil, 26 de xullo celebrouse en Santiago de Compostela a tradicional festa de aniversario do asalto ao cuartel Moncada. O acto, no que participou un centenar de persoas, galegos e cubanos residentes en Galicia, tivo un apartado de carácter político, coa intervención de Valentín Alvite Gándara, presidente da Francisco Villamil. Citando a John Kennedy, que definiu o réxime de Batista como “unha das ditaduras máis sanguinarias de Latinoamérica”, rebateu os intentos dalgúns opositores cubanos de falsear a historia, defendendo supostos aspectos positivos daquel período tiránico.
A Cónsul cubana, Laura Urra, centrou o seu discurso na transcendencia do restablecemento das relacións diplomáticas con EE UU, pero insistiu na continuación da loita pola fin do bloqueo e a devolución da base de Guantánamo.

Seguir lendo A Francisco Villamil celebra en Compostela o 62 aniversario do asalto ao Moncada →