Cuba adicou, en 2016, 50% do seu orzamento á educación, saúde pública e asistencia social, segundo informou a ministra de Finanzas e Prezos ao presentar a liquidación anual. Lina Pedraza Rodríguez, deu conta de máis de 200 millóns de consultas médicas e estomatolóxicas no exercicio vencido, a máis da entrega de recursos precisos para a hixiene pública e eliminación de vectores de contáxio. No rendemento de contas do orzamento de 2016, tamén figuran as medidas para recuperar vivendas, escolas, vias públicas, redes de auga, infraestructuras e comunicacións, da ruina causada polo furacán Matthew.
A Terceira Via de Tony Blair e Felipe González, prometía centrismo e acabou ao servizo de Murdoch e de Gas Natural, aos pés da Posición Común contra Cuba do franquista Aznar, e na primeira liña do cerco imperial contra o governo democrático de Venezuela; asumiron o bombardeo de Belgrado pola OTAN; a ocupación de Palestina, Libia, Siria, Afganistán, o Estado de Sitio de Exipto; intermediaron na lea de Darfur (Sudán) a beneficio das transnacionais, e non se inmutan por catro millóns de mortos en Congo en guerras por recursos pagadas polo Norte. Agora aconsellan a Cuba unha Terceira Via que dinque librará a un tempo do Bloqueo e da planificación central. Mais o caso é que os valedores da célebre Terceira Via son amigos dos promotores do Bloqueo, como explican no libro dixital El Centrismo en Cuba: Otra vuelta de tuerca hacia el capitalismo, Enrique Ubieta, Elier Ramírez Cañedo, Javier Gomez Sanchez ,Carlos Luque, Zayas Bazán, Emilio Ichikawa, René Vázquez Díaz, Arnold August, Raúl Capote Fernández e Jorge Angel Hernández, entre outros autores.
O recen editado libro “El Centrismo en Cuba: Otra vuelta de tuerca hacia el capitalismo” é accesibel no enderezo indicado ao final da páxina.
Donald Trump recusaba venres pasado unha parte da política de normalización de relacións con Cuba, do seu antecesor Barack Obama. O presidente republicano defende agora o Bloqueo e a prohibición das viaxes particulares de cidadáns dos EUA á illa. O Chanceler cubano Bruno Rodríguez Parrilla replicou nunha entrevista para a Televisión Rusa que a decisión da presidéncia dos EUA correspondía máis ben coa Guerra Fría. “O que está a facer (o ppresidente dos EUA) é repetir o que tentaron antes dez presidentes dos EUA. Non vexo realismo na súa política –dixo o ministro de Estado de Cuba- porque teima nomesmo que fixera durante 50 anos, cun resultado contrário ao que se buscaba, e EUA non vai ser máis grande por teimar en mutilar os dereitos civís dos estadounidenses. É un atraso prohibir as viaxes dos estadounidenses a Cuba”.
Ver entrevista en:
https://actualidad.rt.com/programas/entrevista/241773-canciller-cuba-trump-culpar-isla
Con Fernando Martinez Heredia desaparece un intérprete decisivo do marxismo dos 90, dos aportes da Revolución Cubana e dos vasos comunicantes entre Cuba Liberada e as loitas antiimperialistas e anticoloniais. No seu pasamento, recordan dentro e fóra de Cuba, a súa paixón vital por centrar feitos significativos para a continuidade da Revolución. As súas grandes paixons foran Martí e Fidel. Na despedida do Lider da Revolución escrebera: “Fidel adeprendeu a ser a un tempo patriota e socialista, a se alimentar do maxisterio de Marti e a estudar Marx e Lenin para entender o cerne da actualidade, a deboura do poder político e os camiños e os tempos para a liberacion”. Seu amigo Iroel Sánchez recórdao no sitio La Pupila Insomne: “Morreu un comunista (…) un guevarista, un fidelista, un martiano e un marxista anti-dogmático ao que teremos que regresar centos de veces na batalla contra o anexionismo simbólico e o nacionalismo de dereitas aos que el adicara agudas críticas.
Esteban Morales e Fernando Martinez Heredia (no centro da fotografía) debaten sobre as ciencias sociais en Cuba, nun foro convocado pola AHS da Habana.
A deputada cubana Mariela Castro está dacordo en criar unha grande fronte ante-imperialista para frustrar as agresións contra o seu país e outros pobos rebelados contra o pensamento único neoliberal. Intervindo no XIV Encontro Estatal de Solidariedade con Cuba, reunido dende sexta en Bilbo (Euskal Herria) a convocatoria da Coordenadora Estatal de Solidariedade con Cuba (CESC) Castro apoiou esa proposta lanzada no foro, ao que asistiron máis de 200 persoas de 66 asociacións de amizade con Cuba. A idea da rede ante-imperialista foi presentada pola profesora da Universidade Complutense de Madrid, Angeles Diez, quen enmarcou a cruzada mediática contra Cuba na guerra do capital contra os pobos. En representación da Asociación de Amizade Galego-Cubana Francisco Villamil participou o ex-presidente e membro da Directiva Ramón Fernandez Leal.
Mariela Castro apoiou a idea de formar unha avangarda anti-imperialista en defensa de Cuba, proposta pola profesora Angeles Diez na Asemblea da CESC.
