Granma-Terra Sen Amos
O governo de Estados Unidos teima en condenar a Cuba na pésima categoría (nível 3) da trata de persoas. O baremo anual do ministerio de Relacións Exteriores (State Department) valora en tres apartados os esforzos dos governos do mundo por combatiren a trata. Para Cuba reserva a cualificación dos governos que ignoran de vez os dereitos das persoas. Seguir lendo Estados Unidos teima en manter a Cuba na lista da trata de persoas
G. Luca – Terra sen amos.
O reporterismo electrónico lanzado polas axencias do governo norteamericano sobre Cuba, recibe a primeira páxina da revista “Time” e algún premio na UE mais só provoca indiferenza na ben informada opinión pública cubana.
Por moito que os seus promotores sobranceen a condición independente deste xornalismo, o seu estilo non se arreda do vello modelo de propaganda capitalista contra Cuba independente, copia a miscelánea norteamericana da Guerra Fria e está dirixido a banalizar o debate político mediante a anécdota e a privacidade. Seguir lendo A opinión pública cubana ignora o “Xornalismo Independente”
TERRA SEN AMOS/Telesur
En Bolivia, un setenta por cento dos medicamentos son importados e cústanlle ao país case 57 millóns de dólares. O Governo chegou a un acordo con Cuba para producir específicos e evitar a dependencia dos monopolios farmacéuticos internacionais.
O presidente boliviano deu conta na Habana do contrato asinado co seu homólogo Raúl Castro. “Non podemos seguir importando medicamentos -dixo Evo Morales-, non podemos seguir sometidos aos monopolios internacionais que industrializan medicamentos”. Seguir lendo Bolivia asina un acordo con Cuba para se librar das transnacionais da farmacia
Valentín Alvite.
En datas recentes, a axencia norteamericana Associated Press deu noticia de o Goberno de EE UU financiar en Cuba a rede social Zunzuneo, unha especie de “twitter” destinado a crear unha situación similar á “Primavera árabe” para provocar un cambio político na Illa. A citada axencia informa de o Goberno estadounidense recoñecer a existencia dese proxecto, que tivo un custo de varios millóns de dólares.
Se a finalidade de Zunzuneo é difundir as bondades do sistema político de EE UU, existe un modo de logralo sen causar ningún gasto aos contribuíntes: invitar os cubanos a visitar a base norteamericana de Guantánamo. Unha imaxe vale máis que mil palabras. Os visitantes poderían coñecer en detalle un modelo de estrito respecto aos dereitos humanos: nese recinto militar, desde 2001, centenares de presos sen acusación soportan as máis crueis torturas. Seguir lendo A rede Zunzuneo e as leccións de democracia
TERRA SEN AMOS/Redación.
Ramón Vázquez Díaz, deputado de Alternativa Galega de Esquerda (AGE), presentou tres preguntas parlamentares ao Goberno Galego, sobre “Zunzuneo”, a rede social criada e financiada polo Goberno dos EEUU para conspirar contra o Goberno e o ordenamento legal de Cuba.
Vázquez inquire á Xunta se dispuña información sobre a inxerencia da rede Zunzuneo contra as Leis de Cuba e pregunta ao Goberno Autonómico se comparte o ilegal bloqueo e a diaria conspiración do Goberno de Washington contra Cuba.
O deputado quere saber se a Xunta coñecía a participación de Yoani Sánchez na rede Zunzún, na altura de intervir en actos públicos en Galiza que contaron coa atención preferente de medios oficiais. Seguir lendo AGE pregunta a Xunta sobre a actuación en Galiza de persoas implicadas na conspiración anti-cubana Zunzuneo
