Todalas entradas de admin

O CNA RESERVOU A RAUL O LUGAR DE HONRA NO SEPELIO DE MANDELA

Deixa o teu comentario.

Dous diarios de Madrid denigran a pública distinción e homaxe do povo e do goberno de Sudáfrica a Cuba en Joannesburgo. Os dous xornais apoian editorialmente a ocupación de Iraq, o asasinato con avións non tripulados, o bombardeo de Libia e o matadeiro norteamericano en Guantánamo ocupada. Un deles, o ABC, fora afervoado partidario de Mobutu, da intervención mercenaria en Angola e do estado racista do Apartheid. O embaixador de Cuba en Madrid, Eugenio Martínez Enríquez, dixo en senllas cartas feitas públicas onte, que os diarios poden confundir aos leitores pero non ao povo de Africa.

O embaixador recorda que foi Bapela Mbete, Coordenadora Nacional do Congreso Nacional Africano, a que reservou ao presidente de Cuba o quinto lugar (o derradeiro e principal na lista de oradores) para falar a Sudáfrica e ao mundo durante a cerimonia de adeus a Nelson Mandela. “Facéndoo deste xeito -explica Martínez Enríquez- “a señora non dubidou en recordar que correspondía falar ao Presidente dunha pequeña Illa, o país que liberóu a Sudáfrica; o país vencedor na batalla de Cuito Cuanevale”.

Seguir lendo O CNA RESERVOU A RAUL O LUGAR DE HONRA NO SEPELIO DE MANDELA →

”Cuba erguéu na abolición da escravitude e tivo o privilexio de combatir e construir á beira das nacións africanas”, dixo Raúl na homenaxe a Mandela

Deixa o teu comentario.

Terra Sen Amos.

Cinco paises comprometidos na desaparición do Apartheid foron invitados polo governo de Pretoria a interviren na homenaxe internacional a Nelson Mandela. Cuba foi distinguida co lugar de honra do derradeiro orador. No protocolo de invitados, Sudáfrica reservou a Cuba o lugar preferente, razón pola que Obama, invitado por razón de Estado, estaba na obriga de saudalo antes dos demais.

As empresas de información do Estado español ao censuraren esta pública distinción da República de Sudáfrica con Cuba, deixaron ao seu público leitor sen un dado relevante do programa de Joanesburgo. A irmandade de ideas entre e Revolución Cubana e a Sudáfrica do CNA, foi o centro do discurso de Raul Castro.

Para Raúl, Mandela é “o símbolo supremo de dignidade e de consagración inclaudicabel á loita revolucionaria pola liberdade e a xustiza; coma un profeta da unidade, a reconciliación e a paz”. Seguir lendo ”Cuba erguéu na abolición da escravitude e tivo o privilexio de combatir e construir á beira das nacións africanas”, dixo Raúl na homenaxe a Mandela →

CUBA INDICA A FEIJOO QUE AS MUDANZAS FARANSE DENTRO DO SOCIALISMO

Deixa o teu comentario.

Sermos Galiza – Redacion de TSA.

“Raúl Castro deixoulle claro ao presidente da Xunta que ningunha mudanza se desenvolverá en Cuba fóra do socialismo”. O xornal Sermos Galiza resume hoxe neste titular a resposta do Goberno de Cuba á recomendación de Núñez Feijoo de seguiren o exemplo da Reforma Política española. Raúl celebrou unha reunión de cortesía con Feijoo, á marxe do programa acordado para a visita á Habana do presidente de Galiza, e a seguir departiu no seu despacho cunha delegación do Partido Comunista de España e Izquierda Unida, invitada polo Partido Comunista de Cuba. “O encontro -conta a xornal Juventud Rebelde na portada- propiciou un amplo intercambio sobre diversos asuntos de interese nacional e internacional, na coincidencia de continuar afortalando as relacións de amizade e cooperación existentes entre o Partido Comunista de Cuba, o PCE e IU”.

Sermos Galiza lembra nunha crónica asinada por M.L., as críticas de Feijoo a Touriño cando o socialista visitara Cuba como presidente da Xunta e relata que o actual presidente, na súa primeira viaxe a Cuba, “mostrou a súa vontade de establecer novos lazos comerciais coa illa, en especial convidando a empresarios galegos a investiren en Cuba. Seguir lendo CUBA INDICA A FEIJOO QUE AS MUDANZAS FARANSE DENTRO DO SOCIALISMO →

OS MEDIOS OCULTAN A VITAL PARTICIPACIÓN DE CUBA NA VITORIA DE MANDELA SOBRE O APARTHEID

Deixa o teu comentario.

Gustavo Luca – Terra Sen Amos.

“Na historia de Africa non existe outro caso dun povo alzado en defensa dun dos nosos”, declaraba Mandela ao Granma 27 de xullo de 1991. O primeiro presidente democrático de Sudáfrica honraba con estas palabras a contribución decisiva de Cuba na derrota do sistema racista do Apartheid e recoñecía o empeño de Fidel Castro naquela loita que o líder da Revolución Cubana chamara “a causa máis bonita”. A mesma prensa que condenaba a Mandela a cadea perpetua por terrorismo, despídeo con bágoas na hora do seu pasamento e procura non citar o protagonismo de Cuba na liberación de Namibia e Angola que obrigara á rendición de feito dos racistas de Sudáfrica.

Tropas cubanas chegaran a Angola en 1975-76. Derrubada a ditadura portuguesa no 74, un goberno de transición formado polo MPLA de Agostinho Neto, o FNLA de Holden Roberto e a UNITA de Jonas Sawinbi, comprometérase a dirixir Angola até as eleccións de novembro do 75. Antes da votación, soldados do Zaire colonialista de Mobutu entraron en Angola con braceletes do FNLA, engano inútil porque o MPLA prevalecía pese a superioridade en armas (procedentes de Sudáfrica e Estados Unidos) dos partidos mercenarios. Seguir lendo OS MEDIOS OCULTAN A VITAL PARTICIPACIÓN DE CUBA NA VITORIA DE MANDELA SOBRE O APARTHEID →

BOLIVIA, COA COLABORACIÓN DE CUBA E VENEZUELA, ACABA CO ANALFABETISMO EN 30 MESES E RIDICULIZA A COOPERACIÓN DOS PAISES RICOS

Deixa o teu comentario.

José Manzaneda – Cubainformación.

O plano de alfabetización de Bolivia, realizado en 30 meses mediante un acordo entre Bolivia Cuba e Venezuela, e dotado con 20 millóns de dólares, conseguiu para Bolivia da UNESCO a cualificación de “libre de analfabetismo”. Os resultados da alianza do Alba empequenecen os da cooperación de Suecia, España, Holanda, Finlandia e Bélxica, que entre 2002 e 2009, cun investimento de 11 millóns de dólares en diferentes proxectos, apenas deu alfabetizado 120 mil persoas.

Os amplos espazos que os grandes medios reservan para a cooperación en países empobrecidos, por parte de governos ricos, empresas e particulares de países do Norte, non se corresponden cos ruins resultados acadados. A suma de todas as cantidades donadas segue a estar ben lonxe do compromiso dos países ricos –refrendado en 1970 en Nacións Unidas- de aportar o 0,7 % do seu PIB á cooperación internacional. Nos últimos anos, as cantidades da cooperación reducíronse radicalmente: só en 2011, EEUU recortóu un 31%, Alemania un 47%, Canadá un 50% e España un 65%. Seguir lendo BOLIVIA, COA COLABORACIÓN DE CUBA E VENEZUELA, ACABA CO ANALFABETISMO EN 30 MESES E RIDICULIZA A COOPERACIÓN DOS PAISES RICOS →